Un bo día decidín estudar enxeñería agrónoma. Fíxeno porque me gusta coñecer e agarimar o produto desde a semente ata o froito. E tamén porque creo que a excelencia empeza polo estudo e o coñecemento. Esa crenza inspirou a miña filosofía: o agarimo; o coidado de todo aquilo co que traballas. E como é imposible agarimar sen coñecer, empecei a aprender… A aprender que hai detrás de cada materia prima. A comprender de onde sae e a estudar porque cada produto é como é. Seguramente por iso, por estraño que pareza, toda persoa profesional da xeadería debería coñecer as ganderías de onde sae o seu leite e os pastos que consomen as vacas. Debería saber onde, quen e como cultiva e recolle cada froito cos que logo elabora os seus xeados. Eu fágoo ou. Considero que é unha parte esencial do agarimo e o coidado que require o meu traballo, ademais dunha garantía de calidade, orixe e frescura imprescindible para os meus clientes. É o que ten ser unha “xeadeira agrónoma”.